محنه ماشفت منک ولاطیب ومنک کثرت اهمومی ولاطیب احلفت مااوصل الدارک ولاطیب السبب امنت بیک وخنت بیه علی یردف زمانی ابظیم وابشر وابد ماشفت منه الفرح وابشر اشوحتی الزمان ابطمع وابشر صایر ابد ماعنده حمیه ناری اموجره تلهب بعدهه السبب چی شخصک الروحی بعدهه اذا توصل تجی یمهه بعدهه اظن اتطفی نار السرت بیه ک.سعید لفته الحمیداوی
خلص صبر الگلب یاصاح وانهه وروحی اسمعت کل الخلگ وانهه اصحابی الرافگتنی ابضیج وانهه جفاهم شمت الشامت علیه وحگ الی تهابه البشر لویا ولو یاخذ اطیاب اتصیرلویآ ابمسیر العمر حط الدهرلویا نخیته ایحلهه ملک الموت الیه اصاحب دوم انا الطیب وجدله ابسبب طبع الحلو دایم وجدله اذا جاسه البرد عضمی وجدله ابوسط گلبی ولو تدنه المنیه ک.سعیدلفته الحمیداوی
عجیبه اشلون حبنا مایحبنه ویخی شف النحبه مایحبنه صفا مای الحبوب ومایحبنه خابط والعطش اثرعلیه هویتک والگلب حبک وداراک عزیز ابناظری بیتک وداراک اذا یوم الوکت غرک وداراک انا الجناز حسب سرا بیه درب العوی یبقی عوی ماجد المشه بیه العدل هیهات ماجد التاریخ اشکثر بأطیاب ماجد وذکر درب العوی وأهل ابردیه گلبی دوم انا امهبش بیاون ولا صاحب سأل وانشد بیاون چثیره اتون لکن مدری بیاون یریح الروح من هم العلیه
نهلان جسمی صبح بید العدو منجلی منجال روحی دورت ملگیت ابد منجلی الناس حنطه احصدت وانا ابفکر منجلی مکسور چنه غده بیش الصگه والحمه تمیت وحدی یخی وین الأهل والحمه ظلیت بس النفس مامن عظم والحمه منحیث صل الرحم ویا الوگد منجلی نحل جسمی انکسر بی اشد والحم صفا خالی عظم لاجلد والحم اعاین مایمرنی اخو والحم واسولفله الزمان اشعمل بیه ک.سعیدلفته الحمیداوی
صاحب گالو العگال الصحبته امسیسه ابغیره اذا واحد صدیق الزین تسدبی فیه عن دیره لا تمشی ویا کلمن کان والماعرف تدبیره لصاحب ماینفع شورا صدیق الچنت اخاف اعلیه وروحی امعلگه ابروحه من شاف الوکت رکنی ترکنی وراح هل روحه رجعت انوب ادور اعلیه وضمد بیدی اجروحه چی طبعی الصاحب ماعوفه صدیقی الچنت اخاف اعلی ومچمن گلبی لأسراره گصدته ابساعت الشده ولگیت اعدای خطاره ازعلت من بابه وردیت تبعنی ابثالث احجاره لا ترجع عود اتدگ بابی
جبح وکتی ابد مانصح ویای وبعدماشوف گمت الراح ویای چم کانون وسط الگلب ویای سعه ودوای عند الگصوبیه احب کلمن وفی وحچیه عداله واضدن دوم انا کلمن عداله الغبر من شاف خوتنه عداله مثله ابطمع مشیتنه سویه یگلبی اعرف خوی المنک یریده ابنفاهه وطمع لو عندک یریده حسبته وقیدت بأسمه یریده گصبه ماصفه بلموزمیه الگلب یرخص لون منی یریده لخوی الماشفت عنی یریده اذا مابیه اگوم انهظ یریده اله اوصل ولو تدنه المنیه ک.سعیدلفته الحمیداوی
یاریم ذاب الجسم من یوم هجرک وسل مالوم کت الدمع لوخضب اجفونی وسل یعگوب ابد یاترف ماناح مثلی وسل اوصاف عندک یابدر رضوان منهن هام ملیان گلبی ابصدودک یاحبیبی هام یلی ابوصالک مفتخر رافع هام انت الی بچلای وروحی وسل هجرک نحل اعضامی وسلهه ابذکرک فاضت اعیونی وسلهه ابصدودک انشد العالم وسلهه ابغیابک فرحت الشمات بیه ک.سعیدلفته الحمیداوی
یهل دمعی علیک ابلیل سکته ضعت درب الفرح ماشوف سکته تجی ساعه العلیک الگلب سکته تصیبه وهلی مایدرون بیه ک سعیدلفته الحمیداوی
اشمداوی جرح یصبح غیر یولم واذا کفیت شر ایعود یولم ماهمنی الغریب اشگال یولم قهرنی اویای اخوی ایلوم بیه ک.سعیدلفته الحمیداوی
صاحب صدیق الأبی وعزت النفس عادله@ لوطالعت بلنسب عالی النسب عادله@ حملک یخی لو وگع گام ابعجل عادله@ من حیث خوته صدگ بی لوله ابد مامن@ ابشدتک لو فزع ابعزم نهظ مامن@ الخاوه هیچی نفل ابهل وکت مامن@ یصبح حلیم الطبع لن صحبته عادله@ اخوی العسر چی طگنی عداله@ طحت مابیه حیل اشگف عداله@ شتم طگنی وشکه الشامت عداله@ ضحکله وابتسم وابغض علیه@ کلمات.الشاعرسعید لفته الحمیداوی